Breaking News

சன்னி லியோன் நடன நிகழ்ச்சிக்கு எதிர்ப்பு: நடந்தது என்ன.?

புதுச்சேரியில் நடைபெறும் புத்தாண்டு கொண்டாட நிகழ்ச்சியில் நடிகை சன்னி லியோன் நடன நிகழ்ச்சிக்கு எதிர்ப்பு தெரிவித்து போராட்டக்காரர்கள் பேனரை கிழித்துள்ள சம்பவம் பரபரப்பை கிளப்பியுள்ளது.

 

Sunny Leone
புதுச்சேரியில் புத்தாண்டை கொண்டாட பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது. மேலும் நான்கு இடங்களில் பாடல் மற்றும் நடன நிகழ்ச்சிகளும் நடைபெறுகிறது.அதன்படி புதுச்சேரி பழைய துறைமுக வளாகத்தில் இன்று முதல் 3 நாட்களுக்குத் தொடர்ந்து தேசிய அளவில் பிரசித்தி பெற்ற இசைக்குழுவினர் பங்கேற்கும் இசை நிகழ்ச்சி நடக்கிறது.
மேலும் கமர் பிலிம் பேக்டரி சார்பில் பழைய துறைமுகத்தில் பிரபல ஹாலிவுட் நடிகை சன்னி லியோனின் கலை நிகழ்ச்சிக்கு ஏற்பாடு செய்யப்பட்டுள்ளது. இதற்காக ஆயிரக்கணக்கான ரூபாயில் டிக்கெட்டுகள் விற்பனை செய்யப்பட்டுள்ளது. இதற்கு ஆம் ஆத்மி, தமிழர் தளம் உள்ளிட்ட பல்வேறு பொதுநல அமைப்புகள் எதிர்ப்பு தெரிவித்துள்ளனர்.

இந்நிலையில் தமிழர் களம் அமைப்பின் தலைவர் அழகர் தலைமையில் நூற்றுக்கும் மேற்பட்டவர்கள் கடற்கரை சாலையில் ஒன்று திரண்டு கலை நிகழ்ச்சி நடைபெறும் அரங்கை இழுத்து மூடும் போராட்டத்தில் ஈடுபட்டனர். அப்போது போராட்டக்காரர்களை போலீஸார் தடுப்பு கட்டை போட்டு தடுத்தனர். இதையெல்லாம் மீறி போராட்டக்காரர்கள் நிகழ்ச்சி நடக்கும் இடத்தில் அமர்ந்து கண்டன கோஷங்கள் எழுப்பினார்கள். இதனால் அங்கு பரபரப்பு ஏற்பட்டது.

இதையடுத்து அத்து மீறி போராட்டம் நடத்தியதாக கூறி போராட்டக்காரர்களை போலீஸார் கைது செய்தனர். தொடர்ந்து சன்னி லியோனின் பேனர் மற்றும் போஸ்டர்களை ஆர்ப்பாட்டத்தில் ஈடுபட்டவர்கள் கிழித்ததால் சிறிது நேரம் அந்த பகுதி பரபரப்பாக காணப்பட்டது.

Sunny Leone

Sunny Leone

முன்னதாக மதுபான் மெய்ன் ராதிகா நாச்சே பாடலுக்கு கவர்ச்சியாக நடனமாடிய பாலிவுட் நடிகை சன்னி லியோனுக்கு மத்தியப்பிரதேச அமைச்சர் எச்சரிக்கை விடுத்தார். மேலும் சன்னி லியோன் இந்து மத உணர்வுகளை கொச்சைப்படுத்துவதாக சர்ச்சைகள் எழுந்தது குறிப்பிடத்தக்கது.

Check Also

ரஜினியின் சொத்துக்கள் யாருக்கு? தனுஷின் தற்போதைய சொத்துமதிப்பு இத்தனை கோடியா?

தமிழ் சினிமாவில் அதிக சம்பளம் வாங்கும் நடிகர்களில் ஒருவர் தனுஷ். தனுஷின் மாத சம்பளம் 1 கோடி. தற்போது தனுஷின் …

Leave a Reply

Your email address will not be published. Required fields are marked *